Exodus 28:1"Na u Aaron le a fapa hna kha Israel mi
chungin ka sinah ratpi hna, Aaron le a fapa Nadab,
Abihu, Eleazar le Ithamar cu ka tlangbawi rian a
ṭuantu ding an si. 2Rumra le dawhnak a ngeih
nakhnga na u Aaron caah cun thuam thiang na ser
lai. 3Keimah nih thiamnak ka pekmi hna zungthiam
vialte kha Aaron thuam cu serter hna law Aaron nih
cun ka tlangbawi rian cu ṭuan seh. 4An ser hngami
thuam cu hihi an si lai: ṭangbenh pakhat, angki thiang
pakhat, puan pakhat, angki chung nawh ṭamhmi
pakhat, lupawng pakhat le taisawm pakhat an si lai.
Na u Aaron le a fapa hna nih khan ka tlangbawi rian
cu an ṭuan khawh nakhnga thuam cu an serpiak hna
lai.
5Zungthiam pawl nih cun cu thilthuam sernak ah cun
sui le tuuhmul a senmi, sendung a simi le a dummi le
khumla hmangṭhia kha an hman hna lai. 6"Tlangbawi
angki cu sui le tuuhmul a dum, sendung le a senmi le
khumla hrual thawi in ṭamhmi in an ser lai. 7A kap
veve ah khan a hnam pakhat veve an um lai. 8Cu
angki he aa pehmi taisawm, dawh tein sermi cu, cu
bantukin sermi a si ve lai, sui le tuuhmul a dum,
sendung le a sen le khumla hrual hmangṭhia in sermi
a
si
lai.
9Karnelian lungvar pahnih kha na lak hna lai i cu
lungvar cungah cun Israel fapa hna an min kha na
ṭial hna lai; 10lung khat ah min ruk, a dang lung khat
ah min ruk na ṭial hna lai i cu na ṭialmi hna cu an
chuahning cio khan a si lai, a chuak hmasami kha
hmasa deuh ah na ṭial hna lai. 11Sui sertu hna
thiamnak le minkhenhnak sertu hna thiamnak in,
lungvar pahnih hna cungah cun Israel fapa hna min
cu na ṭial hna lai i lungvar cu sui tlangkawm chungah
na ṭhutter lai. 12Israel fapale hna kha philh lonak
dingah, cu lungvar pahnih cu angki liang i bahnak a
hnam ah khan na ṭhit chih hna lai. Cuticun Aaron nih
khan an min cu a liang cungah aa chonh zungzal hna
lai i Pathian nih a hngalh zungzal hna lai.
13Cun sui tlangkawm pahnih zong na ser hna lai i
14hri bantukin hrualmi sui hri pahnih zong na ser
fawn hna lai; cu sui hrihrual cu a tlangkawm ah khan
na ngerh hna lai. 15"Cun biakhiahnak ṭangbenh timi
na ser lai; tlangbawi angki bantuk khan ṭha tein
ṭamhmi a si lai. Sui le tuuhmul a dummi le sendung a
simi le a senmi le khumla a hrual hmang ṭhia in na ser
lai. 16Tungvangpalh a si lai i a bil in bil awk a si lai,
lehhmah pakua a sau lai i lehhmah pakua a kau lai.
17A cungah cun lungvar tlar li in na benh hna lai; tlar
hmasa bik ah cun rubi le topaz le karnet an si lai;
18tlar hnihnak ah emeral, safaiar le daimon an si lai;
19tlar thumnak ah jasin, agate le amethist an si lai,
20tlar linak ah beril, oniks le jasper an si lai.
21Lungvar cu hleihnih an si lai i an cungah khan
Israel fapale min kha an i ṭial lai. Lungvar cu Israel
fapa hna zat kha an si lai i lung khat cungah khan
Israel fapa hna lak i pakhat min paoh kha aa ṭial lai,
min khenhnak cung min ṭial bantuk khin ṭial an si lai.
22Cun ṭangbenh caah cun hri bantukin hrualmi sui ṭhi
na ser lai; 23cun sui in sermi a kual pahnih na ser hna
lai i cu sui kual hna cu ṭang benh cunglei tlang ki veve
ah khan na thlaih hna lai. 24Sui hrihrual pahnih hna
cu sui kual pahnih ah khan na khih hna lai.
25Cun sui hri hrual khattelei par pahnih hna cu sui
tlangkawm ah khan na khih hna lai i cuticun
tlangbawi angki liangbahnak hnam ah khan a
hmailei in na hren lai. 26Cun sui kual pahnih na ser
lai i, ṭangbenh i a tanglei tlang a chunglei kil veve
tlangbawi angki chungah khan na thlaih hna lai.
27Cun sui kual pahnih na ser hna lai i tlangbawi
angki liang i bahnak hnam a hmailei tanglei tlang ah
khan na thlaih hna lai, a tlang pawngte ah khan na
thlaihnak cu a si lai i cucu ṭha tein le dawh tein tahmi
taisawm cung deuhte ah khan a si lai.
28Ṭangbenh kual kha angki kual ah khan la dum in
ṭem chih an si lai i cuticun ṭangbenh cu taisawm
cungte ah khan fek tein a um lai i a poih lai lo.
29Aaron kha hmunthiang chung i a luh tikah a ṭang
cung i a ummi biakhiahnak ṭangbenh cungah khan
Israel fapa hna min kha an um lai i cuticun Bawipa
nih annih cu a hngalh zungzal hna lai. 30Biakhiahnak
ṭangbenh chungah cun camcawhnak Urim le
Thummim kha na chiah hna lai i Aaron cu Bawipa
umnak chung i a vung luh tikah annih cu a ṭang
cungah khan an um lai. Bawipa hmaika i a um tikah
Aaron nih khan a ṭang cung in, Israel mi hna ca i
biakhiahnak thilri kha aa phorh zungzal lai.
31"Cun tlangbawi angki a khuhtu puanfual cu a
dihlak in tuuhmul a dummi in na ser lai. 32A laifang
ah khan lu chuahnak ding caah awng pakhat in na
ser lai. Cu awng cu tlek hlah seh tiah a tlang na kawm
lai, saphaw angki hngawng bantukin a tlang na kawm
lai. 33Tanglei a tlang ah khan a velchum in tuuhmul a
dum le sendung le a senmi in taleti na ser hna lai i an
karlak ah sui khi-ing na chiah hna lai; 34cuticun a
velchum in a tanglei tlang ah cun sui khi-ing le taleti
kha an um lai. 35Cu puanfual cu Aaron nih tlangbawi
rian a ṭuan tikah khan aa aih lai. Hmunthiang
chungah a luh tik le Bawipa umnak chung i a vung kal
tik le cuka in a hung chuah tikah khan khi-ing cu an
awn lai i cuticun amah cu thihnak a ing lai lo.
36"Cun sui thiang in ṭamhnak pakhat na ser lai i a
cungah, "Bawipa sin pekmi" tiah na ṭial lai. 37Cucu la
dum in lupawng hmailei ah khan na ṭem chih lai.
38Aaron nih khan cucu a cal ah a chiah lai i Israel mi
nih Bawipa an pekchanhmi thawinak ah khan ṭhat
lonak a um sual ahcun, cuticun cu ṭhat lonak cu
ngaihthiam a si lai. Cucu Aaron nih khan a cal ah aa
ponh zungzal awk a si lai, zeicahtiah cu ti a tuahnak
thawng cun Bawipa nih an pekchanhmi kha a
cohlanpiak hna lai. 39"Khumla hmangṭhia in angki na
tah lai i khumla hmangṭhia in lupawng le taisawm na
ser hna lai i dawh tein na ṭamh hna lai.
40"Aaron fapa hna cu rumra ngei hna seh, cun i
dawh fawn hna seh tiah angki le luchin le taisawm na
serpiak hna lai. 41Hi thuam hi na u Aaron le a fapa
hna cu na hrukter hna lai. Cun chiti na toih hna lai, na
thleidan hna lai i na thianter hna lai, cun ka tlangbawi
rian kha an ṭuan lai. 42Cun tawhrolh tawi, an tai in an
phei tiang a phanmi kha na serpiak hna lai, lang sual
hna hlah seh ti caah a si. 43Aaron le a fapa hna nih
khan pumhnak thlam chung i an luh fate le
hmunthiang chung i tlangbawi rian ṭuan awkah
biakṭheng an fuh fate, cu tawhrolhtawi cu an i hruk
hrimhrim lai, zeicahtiah lang sual hna hlah seh law
thah si hna hlah seh ti caah a si. Hihi Aaron le a fapa
hna caah a hmunmi phunglam a si.
Descargar

Slide 1